NAGA CITY- Ikinaugma ni Vice President Leni Robredo an desisyon kan Kongreso na ipauktaba muna an barangay asin SK Elections ngonyan na taon.
Sigon sa bise presidente, sa pagkakaaprubar sa third and final reading kan Senado asin Kamara sa nasambitang propwesto nagkaigwa nin mas klarong desisyon manungod sa nasambitang orolay.
Aminado man si Robredo na nahahandal siya sa enot na planong appointment kan mga barangay officials huli ta kontra suboot ini sa demokrasya kan nasyon.
Mientrastanto, tinawan doon kan Bicolanang opisyal na dae na kaipuhan pang halaton an masunod na eleksyon para masalidahan an mga barangay officials na imbwelto sa transaksyon nin iligal na droga.
Igwa suboot nin maninigong mga lakdang para mahale sa pwesto an mga opisyal kan barangay na imbwelto sa iligal na gibo.
