Nangapodan an Department of Foreign Affairs (DFA)para sa pagpugol sa pagtaram asin diplomasya matapos na ibilang na garo sarong bakong direktang huma nin paggamit nin puwersa an pahayag ni Chinese Ambassador to the Philippines Jing Quan.
Sinabi kan DFA na an siring na tataramon dai nakakatabang sa pagpadanay nin tiwala asin marhay na relasyon kan Pilipinas asin China.Pig-inkaminar man kaini an gabos na dayuhang diplomat na magin mas maingat sa saindang mga pampublikong pahayag.
Antes kaini, sinabi ni Jing na madaling manggana an China kun maggamit ini nin puwersa, alagad dai ini gigibuhon kan Beijing huli ta gusto kaining mapadanay an katuninungan sa rehiyon.Kinuwestiyon man niya an mga akusasyon na an China an “Troublemaker” sa Southeast Asia.
Nagribayan nin pahayag an mga opisyal kan Pilipinas asin China matapos kontrahon ni Defense Secretary Gilberto “Gibo” Teodoro jr. an paglaladawan ni Vice President Sara Duterte sa Pilipinas bilang “Troublemaker” kan rehiyon.
Tinawan-doon ni Teodoro na ipinagdedepensa sana kan nasyon an mga karapatan kaini sa West Philippine Sea.
Mientrastanto, nagpahayag si Jing nin paglaom na matatapos na an negosasyon sa Code of Conduct sa WPS, na an katuyuhan iyo an magbugtak nin mga alituntunin para sa mga nasyon na may magkakapatong na pag-angkin sa nasabing kadagatan.
