NAGA CITY-Pighamon ni Department of the Interior and Local Government(DILG) Secretary Benjamin Abalos Jr. si Kingdom of Jesus Christ leader Pastor Apollo Quiboloy na magsuko asin hampangon an saiyang mga kaso sa korte tanganing patotoohan an saiyang pagiging inosente.
Pigduon man ni Abalos na an hustisya bako sanang responsibilidad kan legal system kundi kan bilog na lipunan.
Pig-eenkaminar kaini an gabos na magkkasararo tanganing masierto na an lambang biktima makakaresibe nin nararapat na hustisya. Sa siring soboot nin paagi dai sana natatawan nin suporta an mga apektado kundi nakakatabang man ini sa pagkakaigwa nin mas salbado asin makatarungan na lipunan para sa mga masunod na henerasyon.
Sigun pa sa DILG chief, dapat na maging prioridad an kapakanan asin kasalbaduhan kan mga biktima asin kan saindang mga pamilya, orog na kan pinaka-bulnerable sa gabos na an mga kaakian.
Pig-gibo ni Secretary Abalos an huma komo pagsimbag sa naenot nang pangapudan ni Presidente Ferdinand Marcos Jr. ki Pastor Quiboloy na magpahilinh asin simbagon an mga seryosong akusasyon laban sa saiya.
