Nagsangat nin libel complaints kontra ki Senador Risa Hontiveros, Akbayan Party-list Rep. Perci Cendaña, asin ML Party-list Rep. Leila de Lima an nakakulong na Pastor na si Apollo Quiboloy.
Kinumpirma kan tolong lehislador an mga reklamo asin tinawan- doon kan mga ini na dai sinda natatakot digdi.
Sinabi ni Hontiveros na padagos siyang masuporta sa mga nagpabistong biktima na nag-atubang sa mga pagdangog kan Senado, mantang inapod man ni de Lima na mayong basehan an reklamo.
Mientrastanto, sinabi ni Cendaña na dai sinda mauntok sa paghanap nin hustisya para sa mga nag-akusar ki Quiboloy.
Inapod man kan Akbayan Party-list na “Laughable” an mga reklamo asin pinapanindugan an mga testimonya asin legal records na iprinisentar kontra sa pastor.
Sa presente, nililitis si Quiboloy sa Pilipinas sa mga kasong kabali an qualified human trafficking asin sexual abuse.
Kahagadan man kan Estados Unidos an saiyang extradition na konektado sa suway na mga kasong sex trafficking, conspiracy, asin bulk cash smuggling, na nasa proseso pa kan gobyerno.
