Ipigreport kan Department of the Interior and Local Government (DILG) ngunyan na aldaw na susurion ninda an mga pahayag sa United People’s Initiative (UPI) rally sa Quezon City na nangangapodan kan pagbubutas ni Presidente Ferdinand Marcos Jr.
Sigun ki Interior Secretary Jonvic Remulla, an nagkapirang pahayag sa rally an “close to inciting sedition” asin mayong lugar sa civil society.
Saro sa mga nagtaong pahayag iyo si Jeffrey “Ka Eric” Celiz kan Sonshine Media Network International, na nangangapodan sa Presidente na magbutas asin sa Armed Forces of the Philippines (AFP) na bawion an suporta sa Presidente, asin binanggit an precedent kan 2001 EDSA revolt kontra ki dating Presidente Joseph Estrada.
Sigun ki Celiz, an anuman na lakdang kan AFP an legal asin lehitimo, huli ta an hukbong sandatahan an “protektor kan estado asin kan mamamayan”, bako kan sarong opisyal.
Katakod kaini, ma-imbestigar man an Quezon City Police District tanganing aramon kun igwang elemento ba kan sedition sa mga protesta sa lugar.
Ginibo an rally kan UPI sa People Power Monument, kasabay kan tolong aldaw na rally kan Iglesia ni Cristo (INC) sa Luneta Park, na nangangapodan kan transparency asin accountability sa gobyerno.
