Liwat na nagpatanid an Commission on Election (Comelec) nin disqualification cases kontra sa national asin local candidates na nagheheras nin ayuda nin mayong exemption sa komisyon. Sinabi ni Comelec Chairman George Garcia na ini an posibleng maikokonsiderar na komo vote-buying o abuse state of resources.
Patanid pa kan poll chief, tulos nindang ididiskwalipika enkaso man an kandidato ay naggagamit nin ayuda o nagheheras nin ayuda nin mayong exemption. An campaign period para sa lokal na mga kandidato an nagpuon na kan nakalihis na aldaw Marso 28 madurar man hasta sa Mayo 10.
Mantang an National campaign period ay nagpuon man kan nakalihis na Pebrero 11 asin madurar hasta Mayo 10,2025.
Bawal man an pangangampanya sa Abril 17 (Huwebes Santo), Abril 18 (Biyernes Santo), Mayo 11 (disperas ng halalan) asin Mayo 12 o mismong aldaw kan halalan. Kan nakalihis na semana, nagpaluwas an poll body nin certificate of exemption sa nagkapirang social welfare programs kan Department of Social Welfare and Development (DSWD) gikan sa election spending ban para sa Election 2025 kabali na an P12 bilyong kantidad nin pondo kan Ayuda Para sa kapos ang Kita Program (AKAP).
Ini man an labi pa sa P882 milyon na enot na kahagadan kan DSWD kan nakalihis na bulan nin Enero.
Pigpagirumduman ni Garcia an mga pulitiko asin kandidato kan DSWD guidelines para sa pagpapautob nin AKAP, na pigkakabalihan kan pagbabawal sa saindang presensya asin man mga katakod na materyales sa pagheheras nin tabang pinansyal.
Inanunsyar man kan Comelec na ipagbabawal an pagheras nin gabos na klase cash asssiatnce (ayuda) 10 aldaw antes an halalan sa Mayo kabali na an kontrobersyal na AKAP.
