Kinumpirmar ni Department of Public Works and Highways DPWH Secretary Vince Dizon na epektibo kan nakalihis na Mierkules Agosto 5, 2026 sinanglian na District Engineer kan first District kan Probinsya nin Camsur asin dagusan na ining sinibak sa pwesto.
An pagpapatalsik sa pwesto kan opisyal katakod kan nangyaring aksidente sa tinampo sa banwaan nin Del gallego Camsur na ikinairido kan sarong biktima na hasta sa presente, nakaconfine pa sa intensive care unit (ICU).
Tinawan- doon ni Dizon na dai dapat ipagsawalang-bahala an pagbalgar kan ahensya sa mga itinakdang pamantayan sa kaligtasan kan gabos orog na ta nagpaluwas nin derektiba an District asin Regional Engineering Offices sa bilog na nasyon na maging mahigot sa pagbugtak nin safety barriers, warning signs, asin iba pang kinakaipuhan na safety measures sa gabos na tinampo asin infrastructure projects.
Sigon sa opisyal, sarong siklista an binawian nin buhay sa Benguet huli sa kawaran nin safety barriers asin safety signs. Dagdag pa ni Dizon na apwera sa District Engineer, papanimbagon man an kontratistang may kapot kan proyekto huli ta responsibilidad man kaining siertohon na ligtas an construction site orog na an pagbugtak nin safety signs tanganing maabisuhan an mga nag-aagi sa lugar.
Mientrastanto, sinabi pa kan sekretaryo na igwa nin itinakdang standard an ahensya para sa safety precaution sa mga proyekto asin an anuman na agbalgar digdi posibleng magkawsa nin peligro sa publiko.
Kasabay kan pagbisita kan sekretaryo sa sagop creek, saro pa sa pinakakatuyuhan kan opisyal an pagbisita man sa pasyenteng nabiktima sa aksidente sa tinampo sa banwaan nin del Gallego camsur na nakaconfie sa sarong ospital sa syudad nin Naga.
