Naantala an darakulang proyekto sa syudad nn Naga huli sa pautay-utay na distribusyon kan pondo kaini gikan sa National government.
Segun ki DPWH Secretary Vince Dizon, halawig na panahon an hinalat sa konstruksyon kan Mabolo- Almeda Bypass road na makakatabang kuta ng magianan an mga byahero sa tabang kan tinampong ini kun natapos tulos.
Segun pa sa sekretaryo, naitagama na an natatadang pondong nagkakantidad nin P160 million pesos para sa proyekto.
Marurumduman na nagpoon an konstruksyon kan tinampo kan taong 2020 asin panahon pa kan pandemya alagad hasta ngunyan dai pa giraray ini natatapos.
Pigsierto kan sekretaryo na sa primerong kwarter kan taong 2027 matatapos na an patinampo.
Dugang pa kan sekretaryo na dakulang tabang an patinampong ini huli ta igdi na maagi an mga darakulang behikulo asin dai na kinakaipuhan pang maglaog sa kasentrohan kansyudad.
