Pormal nang pigbukasan kan Department of Migrant Workers (DMW) an saindang bagong Learning Center sa Jeddah.
Pinangenotan ni DMW Secretary Hans Leo Cacdac an pagbubukas kan learning center para sa mga kaakian na nasa kustodiya asin pig-aataman kan mga Migrant Workers sa Bahay Kalinga.
Obheto kan pagpapatindog kan center na dae mabayaan an mga kaakian sa saindang derechos sa edukasyon asin sa kaaraman.
An nasambitan ng inisyatibo, sarong proyekti sa irarom kan Philippine Consulate General, Migrant Workers Office, asin kan nagkapira pang mga Filipino Community Groups asin mga Overseas Filipino Workers Advocates sa nasambitan ng nasyon.
Mientrastanto, nagkapira man sa mga kaakian na nasa Bahay Kalinga an nasasakitan na makauli huli ta an saindang mga magurang an igwa pang travel ban na pigkakahampang.
Sa presente, nasa labi 28 na mga kaakian an nagtitinir sa Bahay Kalinga na mapagseserbisyuhan kan center.
Pigsierto man ni Cacdac na papagayunon asin papahewqson pa ninda an center sa mga masunod na bulan.
