Obhetong tutukan kan Department of National Defense (DND), an mga katubigan kan Pilipinas ngunyan na taong 2025.
Ginibo kan ahensya an nasambitan ng pahayag kasabay kan New Year’s Call sa Camp Aguinaldo kan Biyernes kun saen sinaysay ni Defense Secretary Gilbert Teodoro Jr. an promesa kan militar na tutukan an teritoryo asin seguridad kan mga katubigan kan Pilipinas ngunyan na taon.
Nagpromesa man an Defense Secretary kaiba an hukbo kan militar na saindang papakusugon an kakayahan kan nasyon pag-abot sa kapabilidad kan militar.
Tinawan-duon ni Teodoro an importansya kan pagmamantinir kan soberanya asin mga humanitarian values mantang nagtitinir na mapagmatyag kontra sa anumang anggat na mawot rauton an naratibo kan Pilipinas sa entirong kinaban. Alagad maski dae na sinaysay nin derikta an China o an presenteng tensyon sa West Philippine Sea (WPS), alagad nag-uuyon an pahayag ni Teodoro sa mas mahewas na tema kan katatagan, pagkakasaro, asin pagsusurog sa pambansang interes kan Pilipinas.
Mientrastanto, an New Year’s Call sarong tradisyon kan Department of National Defense, na pig-aatendiran kan manlaen-laen na lider kan militar, mga opisyal, asin mga foreign military attachés.
