Nanindugan liwat si Defense Secretary Gilberto Teodoro Jr. na an gobyerno bako nang bukas sa mga orolay sa katoninongan sa mga miyembro kan New People’s Army.
Ini an pahayag ni Teodoro sa pakikipag-ulay ki Negros Occidental Governor Eugenio Jose Lacson asin nagkapirang opisyales sa Bacolod City.
Tinawang-duon kaini na target ninda na pugulan an gabos na armadong rebelde.
Alagad, piglinaw kaini na pig-aako kan gobyerno an mga rebelde na nag-uuli sa saindang mga harong.
Magigirumduman na kan Abril 19, nagkapirang mga tawo sa Toboso, Negros Occidental an nag-iriwal sa mga soldados asin mga rebeldeng NPA.
Kan 2023, an administrasyon ni Presidente Ferdinand Marcos Jr. nag-oyon na ibalik an negosasyon sa katoninongan sa National Democratic Front of the Philippines, kun saen pareho sindang nagpirma nin sarong kasunduan.
