Nagtutubod an Department of Health na igwang epekto an climate change sa amay na paglangkaw nin kaso kan dengue ngunyan na taon.
Sigun ki DOH spokesperson at Asec. Albrt Domingo, mas amay na nagpuon an tag-uran sa nasyon huli sa mga weather patterns siring kan shearline, ITCZ, asin easterlies na karaniwang nae-eksperyensiyahn tuyon Hunyo asin Hulyo.
Napag-araman na pirang lugar sa Metro Manila an nagdeklarar nin dengue outbreak kaining mga nakalihis na semana, alagad padikit-dikit na man nagbababa an numero kan naikukurit na bagong kaso ngunyan na semana.
Pig-report man kan DOH na mas hababa an mortality rate kan helang ngunyan na 2025, na nasa 0.36% sana kumparar sa 0.43% kan kaparehong panahon kan nakalihis na 2024.
Boot sabihon, sa lambang 1,000 pasyente, tolo hasta apat sana an nagagadan.
Sa ibong kaini, liwat nagpagiromdom an ahensiya na dae dapat magpakampante an publiko, huli ta pwedeng liwat maglangkaw an kaso kan dengue kun dae ipapadagos an paglilinig asin ibba pang-inngat.
Pig-abisuhan man an publiko na tulos magpahiling sa doktor kun igwang sintomas nin dengue tanganing malikayan an malalang kondisyon.
