Inirekomenda kan Department of Justice (DOJ) an pagsusunad nin kaso laban ki Charlie Tiu Hay Ang, bistado komo Atong Ang, asin 25 iba pa katakod sa serye kan pagkawara kan mga sabungero.
Sigun sa press statement kan nakalihis na Disyembre 9, 2025, nahiling kan panel of prosecutors an prima facie evidence na may “reasonable certainty of conviction” para sa kabilugang sampulong numero kan kasong Kidnapping with Homicide.
Kabali sa mga akusado an nagkapirang opisyal kan pulisya, mga tauhan kan sabungan, asin mga dating empleyado ni Ang.
Apwera digde, may 15 na numero kn kasong Kidnapping with Serious Illegal Detention na pigsunad man laban sa parehong grupo, kabali an pirang dae pa natutukoy na pulis.
Sa kabilugan, 26 na kaso an isusunad sa korte para sa pagsasagibo kan paglilitis. An mga kasong ini an parte kan consolidated cases kan People of the Philippines vs. Charlie Tiu Hay Ang et al., katakod sa mga sabungerong nawawara magpuon 2021 hasta 2022.
Mientrastanto, an mga kasong pigsunad sa ibang respondents an paramientras ibinasura alagad pwedeng liwat na buhayon kun may bagong ebidensyang maglataw.
Kidnapping with Homicide (10 counts):
Charlie Tiu Hay Ang @ Atong Ang
PLtCol. Ryan Jay Orapa
Rogelio Teodoso Borican Jr.
Rodelo Anig-ig
Jezrel Mahilum
Mark Carlo Zabala
Ronquillo Anding
PSMS Joey Natanauan Encarnacion
PEMS Aaron Ezrah Lagahit Cabillan
PMSG Michael Jaictin Claveria
PSMS Mark Anthony Aguilo Manrique
PSMS Anderson Orozco Abary
PSSG Edmon Hernandez Muñoz
PSSG Alfredo Uy Andres
PMaj Philip Almedilla
PLT Henry Sasaluya
PCMS Arturo Dela Cruz
PSMS Farvy Opalla Dela Cruz
PCpl. Angel Joseph Martin
Jezrel Lazarte Mahilum
Emman Cayunda Falle
Julious Tagalog Gumulon
PMSg Renan Lagrosa Fulgencio
Kidnapping with Serious Illegal Detention (16 counts):
Charlie Tiu Hay Ang @ Atong Ang
PLtCol. Ryan Jay Orapa
PMSg Michael Jacitin Claveria
Rodelo Anig-ig
Rogelio Borican Jr.
PSSG Alfredo Uy Andres
PMaj Philip Simborio Almedilla
PSMS Joey Encarnacion
PEMS Aaron Ezrah Lagahit Cabillan
John Does (mga dae pa natutukoy na pulis na kabali sa grupo ni PLtCol. Orapa)
Sa ngunyan, hinahalat pa an simbag kan panig kan mga inaakusaran para sa saindang reaksyon.
