Nagpagirumdom an Department of Labor and Employment sa mga obrero asin magin sa mga employer dapit sa tamang panundunan kan pasahod ngunyan na Chinese New Year.
Kun saen, nagtao liwat nin abiso an nasambitan ng ahensya dapit sa pagkonsidera ngunyan na aldaw komo sarong Special Non-Working Day.
Huli digde, ipapautob an ‘no work, no pay’ policy para sa mga empleyadong dae malaog apwera na sana kun may Collective Bargaining Agreement o CBA an kumpanya na nagtataong pasahod ngunyan na aldaw nin Miyerkules.
Alagad kun malaog man an mga trabahador, an mga ini an dapat na mabayaran kan employer nin dugang na 30% sa saindang aldawan na sahod nin enot na walong oras na pagtatrabaho.
Mantang, sa mga empleyado man piggampanan an trabaho dawa na aldaw ini kan pahingalo, nagkakanigo man na dugangan 150% gikan sa aldawang sahod.
