DOLE, nagluwas nin panundunan sa tamang pasahod sa Labor day sa Mayo 1
Nagpaluwas na an Department of Labor and Employment (DOLE) nin panundunan para sa tamang pasahod sa mga obrero sa pribadong sektor sa Labor day, Mayo 1 na idineklarar komo regular holiday.
Sa inisyung Labor Advisory No.5 Series of 2025, pigtawan duon kan DOLE na kwalipikaodng makakaresiber nin double pay an mga empleyadong magtratrabaho sa regular holiday para sa primerong walong oras.
Para man sa overtime o lagpas sa walong oras na trabaho, dapat makaresiber an mga empleyado nin dugang na 30% kan saindang orasang sahod.
An mga dae naman malaog sa May 1 ay kwalipikado pa man makaresiber nin 100% kan saidang aldawang sahod, basta’t naglaog o naka-leave with pay sa aldaw antes an holiday.
Nilinaw man kan DOLE na enkaso an aldaw antes May 1 ay nataong rest day o non-working day, dapat na makaresiber pa man an empleyado nin holiday pay basta sinda ay nakalaog o naka-paid leave sa huring working day antes man an holiday.
Ipinagirumdom man kan DOLE na an mga empleyado na nataong rest day sa May 1 asin naglaog pa man sa trabaho ay kwalipikadong makaresiber nin dugang nin 30% kan saindang basic wage para sa enot na walong oras asin man dugang na 30% kan saindang orasang sahod para sa overtime work.
Nagpaluwas na an Department of Labor and Employment (DOLE) nin panundunan para sa tamang pasahod sa mga obrero sa pribadong sektor sa Labor day, Mayo 1 na idineklarar komo regular holiday.
Sa inisyung Labor Advisory No.5 Series of 2025, pigtawan duon kan DOLE na kwalipikaodng makakaresiber nin double pay an mga empleyadong magtratrabaho sa regular holiday para sa primerong walong oras.
Para man sa overtime o lagpas sa walong oras na trabaho, dapat makaresiber an mga empleyado nin dugang na 30% kan saindang orasang sahod.
An mga dae naman malaog sa May 1 ay kwalipikado pa man makaresiber nin 100% kan saidang aldawang sahod, basta’t naglaog o naka-leave with pay sa aldaw antes an holiday.
Nilinaw man kan DOLE na enkaso an aldaw antes May 1 ay nataong rest day o non-working day, dapat na makaresiber pa man an empleyado nin holiday pay basta sinda ay nakalaog o naka-paid leave sa huring working day antes man an holiday.
Ipinagirumdom man kan DOLE na an mga empleyado na nataong rest day sa May 1 asin naglaog pa man sa trabaho ay kwalipikadong makaresiber nin dugang nin 30% kan saindang basic wage para sa enot na walong oras asin man dugang na 30% kan saindang orasang sahod para sa overtime work.
