Nagpagiromdom an Department of Labor and Employment (DOLE) sa mga employer sa tamang pasahod sa midterm elections sa Lunes, Mayo 12 na pigdeklarar komo special non-working holiday.
Ini an alinsunod sa Presidential Proclamation No. 878 na pinirmahan ni Presidente Ferdinand Marcos Jr.
An mga empleyado man na dae malaog sa trabaho sa Mayo 12 an subject sa “no work, no pay” principle apwera na sana kun igwang company policy, practice o collective bargaining agreement.
Para man sa mga empleyadong nagtrabaho nin lampas sa walong oras o nag-overtima sa eleksiyon, makakaresebir nin dugang na 30% kan saindang orasang shaod.
An mga nagtrabaho na nataong rest day an kwalipikadong makakaresebir nin dugang na 50% kan saindang basic wage para sa enot na walong oras.
Kun nagtrabaho sa rest day na lampas naman sa walong oras, dapat mabayadan nin dugang na 30% na orasang sahod para sa sobrang oras.
