Pigpepreparan na kan Department of Transportation (DOTr) an pagdagsa kan mga pasahero sa Ninoy Aquino International Airport (NAIA) ngunyan na Undas.
Sigun ki Transportation Secretary Giovanni Lopez, na piglalaoman nindang mapakol sa 1.35 milyon na pasahero an mabyahe pasiring sa ibang parte kan nasyon.
Nagkundusir na man ini nin inspections sa NAIA Terminal 3 kun saen pighiling kan opisyal an nagkapirang makabagong kagamitan sa lugar.
Igwang mga bagong check-in kiosk, self bag-drop counters asin bagong food hubs na maikukumparar sa ibang nasyon.
Advertisement
Nagtutubod an sekretaryo na preparado an NAIA terminal 3 sa pag-abot kan mga pasahero na mabyahe sa saindang mga probinsiya.
Advertisement
