Piglinaw kan pamayuhan kan Department of Transportation na dae kaini hahalion an EDSA Busway.
Ginibo kan ahensiya an pahayag sa ibong kan nagin paghadit kan kadaklan na hahalion na an nasambitan ng linya tanganing tawan nin agihan an mga pribadong lunadan na mag-agi sa Edsa.
Sigun ki DOTr Secretary Jaime Bautista, dakula an naitabang kan dedicated bus lane sa publiko kaya nanindugan ini na dae hahalion an nasambitan ng linya.
Kun marurumduman, nakipag-meeting an DOTr ki Presidente Ferdinand Marcos Jr., tanganing pag-ulayan an Comprehensive Traffic Management Plan (CTMP) para sa kalakhang Maynila.
Katakod kaini, pigkumpirmar kan ahensiya na padagos an pagsasagibo nin plano para sa planong rehabilitasyon kan EDSA Busway.
Posibleng matapos an isinagibong feasibility study para sa pagsairarom kan buswat sa privatization sa laog kan pirang bulan puon kan puonan ini.
