NAGA CITY-Dead on arrival an sarong lalaki sa Atimonan, Quezon makalihis ining ma-aksidente.
Binisto an biktima na si alyas Ivan, 30 anyos, residente kan Brgy. San Isidro, Atimonan, Quezon.
Sa nagunong impormasyon kan Bombo Radyo Naga sa Quezon Police Provincial Office, alas-8 soboot kasuugma nin aga kan personal na nagsiring sa Atimonan Municipal Police Station an pamilya kan biktima tanganing i-report na naaksidente si alyas Ivan.
Basado sa inisyal na imbestigasyon kan kapulisan, nagmamaneho soboot an drayber sa Maharlika Highway na parte pa kan Brgy San Isidro, Atimonan pasiring sa Atimonan Town Proper kan mawaran soboot nin kontrol sa saiyang behikulo an biktima asin mag-slide sa agihan, rason tanganing magsapo ini nin injury sa saiyang payo.
Tulos man soboot na pigdara an biktima sa sarong ospital alagad pigdeklarar man sana ining dead on arrival.
Sa ngunyan, nagpapadagos pa an imbestigasyon kan mga awtoridad dapit sa nasambitang insidente.
