NAGA CITY- Nag-deploy an Department of Social Welfare and Development in Bicol (DSWD-5) deployed nin ready-to-eat food packs sa manlaen-laen na pantalan sa Bicol Region. An nasambitan ng lakdag an komo preparasyon sa potensiyal na pasaherong ma-stranded huli sa raot kan panahon.
Sigun ki DSWD Bicol Regional Director Norman Laurio, an pinakabagong shipment an kinababalihan kan nasa 500 ready-to-eat food packs na paramientras na nakatago sa pantalan kan Masbate.
Katakod digde, pigsaysay kan opisyal na sa panahon kan kalamidad, dae pwedeng ma-delay an pagtatao nin pagkakan sa mga tawo.
Huli kaini, kaipuhan na maglapigot kan DSWD Bicol tanganing masierto na an asistensiya an naitatao tolos sa mga mangangaipuhan.
Dugang pa ni Laurio, an nasambitan ng food packs an nakatago sa mga pantalan asin warehouses sa bilog na Bicol Region para sa tolos na distribusyon sa mga stranded na indibidwal asin mga nag-ibakwar.
Mientrastanto, kabilugang 12,667 na ready-to-eat food packs an naka-prepositioned sa Albay, Masbate, asin Camarines Sur na igwang kabilugang P9,939,563.
Marurumduman, an Bicol Region an saro sa mga rehiyon sa nasyon na pirmeng piglalamasa nin bagyo.
