Nilinaw kan Department of Social Welfare and Development (DSWD) na dai na kaipuhan an ano mang sertipikasyon hale sa Commission on Elections (COMELEC) para sa mga kuwalipikadong public utility vehicle (PUV) drivers tanganing makakua nin cash relief assistance.
Sunod ini sa report hale sa Cebu City kun saen may sarong “habal-habal” driver na hinnagadan nin sertipiko hale sa COMELEC bago makakua nin ibang klase nin ayuda.
Segun ki DSWD spokesperson asin assistant secretary Irene Dumlao, gusto nindang mapadali an pamamahagi nin cash assistance kaya dai na kaipuhan pa an sertipiko hale sa COMELEC.
Paglilinaw pa ninda na an P5,000 na cash assistance iyo an sakop kan Assistance to Individuals in Crisis Situations (AICS) na itinatao sa mga kuwalipikadong PUV drivers bilang tabang sa epekto kan paglangkaw nin presyo kan langis.
