Pinahigot pa kan Department of Trade and Industry – Fair Trade Enforcement Bureau an pagbabantay kaini sa mga pigpapabakal na ilegal na paputok komo pagpreparar sa pagselebrar kan Bagong Taon.
Sigun ki Fair Trade Enforcement Bureau Director Gino Mallari, pwede ining mag-isyu nin cease and desist orders para sa mga manufacturer asin palagay kaini an igwa na man pigpapautob an Philippine National Police (PNP) na special law sa kriminal na aspeto kan mga pagbalgar.
Ginibo kan opisyal an pahayag komo simbag sa mga apelar gikan sa legal firecracker manufacturers para sa mas mahigot na enforcement kontra sa pagpapabakal kan mga dae sertipikadong produkto na soboot nakakaapektar sa saindang kabuhayan.
Pigsierto man kan opisyal an dagus-dagos ining nakikipagtabangan sa PNP partikularmente na sa pagkalap asin pagheras kan impormasyon kun saen pwedeng mahiling an mga uncertified products.
Nakikipagtabangan na man an DTI sa mga lokal na gobyerno para sa pagpapautob kan mga ordinansa asin pagtatalaga kan mga lugar para sa display asin pagbebenta kan mga legal na paputok.
