Dakulang tabang para sa mga kasambahay an dugang na P800 sa saindang bulanang sahod. Gikan sa P7,000 kada bulan na sweldo kan kasambahay sa National Capital Region (NCR), an nagsakat na sa ₱7,800 an saindang minimum wage.
Sigun ki Senator Jinggoy Estrada, primerong nagbusol nin Batas Kasambahay, dakulang tabang na sa mga kasambahay na pigtataguyod an saindang mga pamilya an dugang na sahod orog na sa hampang kan padagos na paglangkaw kan presyo kan mga primerong barakalon.
Nagpromesa man si Estrada na padagos na pahigoton asin pakukusugon an implementasyon kan ley tanganing maprotehiran an kapakanan bako sanang an mga kasambahay kundi magin kan saindang employers.
Sa maabot na Pebrero man ipapautob sa Metro Manila an dugang na sweldo sa mga kasambahay.
