Dakulang tabang para sa mga kasambahay an dugang na ₱800 sa saindang bulanang sweldo.
Gikan sa ₱7,000 kada bulan na sweldo kan mga kasambahay sa National Capital Region (NCR), nagsakat na sa ₱7,800 an saindang minimum wage.
Sigun ki Senator Jinggoy Estrada, an pangenot na nagbusol kan Batas Kasambahay, dakulang tabang na sa mga kasambahay na pigtataguyod an saindang mga pamilya an dugang na sweldo orog na sa hampang kan padagos na paglangkaw nin presyo kan mga pangenot na barakalon.
Nagpromesa man si Estrada na padagos na papahiguton asin papakusugon an implementasyon kan ley tanganing maproteheran an kapakanan bako sana kan mga kasambahay kundi magin kan saindang employers.
Sa maabot na Pebrero man ipapautob sa Metro Manila an dugang na sweldo sa mga kasambahay.
