NAGA CITY– Arestado an duwang drug personalities sa kinundusir na anti-illegal drug operation kan mga otoridad sa Brgy. Laganac, Balatan, Camarines Sur.
Binisto an mga suspetsado na sinda Baldwin Colarina, 40 anyos aisn Julius Embestro, 37 anyos.
Sa nagunong impormasyon kan Bombo Radyo Naga napag araman an nagkundusir nin anti-illegal drug operation an mga otoridad kan nasambitan ng lugar na nagresulta sa pagkakaaresto kan mga suspetsado.
Nakumpiskar sa mga ini an duwang sachet nin pigtutubudang shabu, sarong cellphone, sarong motorsiklo asin sarong P500 asin P1,000 peso bill na ginamit komo buy-bust money.
Sa ngunian, nagtitinir na sa kustudiya kan mga otoridad an mga suspek mantang pinepreparar na an kasong pagbalgar sa RA 9165 o an Comprehensive Dangerous Drug Act of 2002.
