Liwat pigsorpresa ni Pinay tennis ace Alex Eala an mga paradalan kan Miami Open makalihis kaining daogon si World Number 5 Madison Keys kan Estados Unidos.
Nakua kan 19-anyos na si Eala an score na 6-4, 6-2 tanganing makalaog sa round of 16. Ini an enot na Pinay sa Open Era kan nadaog sa top-10 na kalaban puon kan ipautob an ranking system kan 1975.
An nasambitan ng kapangganahan an pirang aldaw kan daogon kaini si world number 25 na si Jelena Ostapenko sa ikaduwang round kan torneo.
Sa opening set pa sana naging agresibo si Eala kun saen dagos-dagos an ginibong pag-atake sa American tennis player.
Pinasalamatan ni Eala an pamilya asin mga Filipino na nagdalan kan saiyang kawat.
Masunod na makakahampang ni Eala si world number 10 na si Paula Badosa kan Spain.
