Pinasususpindir muna ni Presidente Ferdinand Marcos Jr., an rehabilitasyon kan EDSA.
Ginibo kan presidente an pahayag kasabay kan paglulunsar kan family fare 1+3 promo sa MRT asin LRT.
Sigun ki Presidente Marcos, magamit na sana nin modernong teknolohiya para sa anom na bulang construction.
Duon kaini na saiya man masusing pinag-adalan an magiging epekto kan rehabilitasyon sa ekonomiya asin sitwasyon kan mga commuters na nagbabiyahe para sa saindang trabaho.
Pigsugo kan Presidente an Department of Public Works and Highways (DPWH), Department of Transportation (DOTr), Metro Manila Development Authority (MMDA), asin iba pang mga concerned agencies na pag-adalan an nasambitan ng lakdang asin nagbilog nin mga konkretong plano para epektibong maipautob an marekas na rehabilitasyon kan EDSA.
Obheto kaini na mabawasan an anumang mga inconvinience na maeeksperyensiyahan kan satuyang mga kababayan.
Habo kan presidente na madugangan pa an pasakit kan satuyang mga kababayan, asin mawot kaini an sarong whole-of-government approach sa pagpapautob kan epektibo asin modernong paagi sa pag sasaayos sa EDSA.
Tinawan-duon ni Transportation Secretary Vince Dizon na malinaw an kasugoan kan presidente na pag-adalan marhay an planong pag-rebuild kan EDSA nin huli ta bakong katanggap-tanggap an duwang taong kalbaryo asin dusa sa trapik, sayang na oras asin oportunidad para sa mga komyuter asin motorista orog na ta paparani na an kralasehan.
Sigun sa sekretaryo, sisiertohon kan DOTr na makikipagtabangan an ahensiya sa mga partner agencies tanganing matupad an kasugoon kan presidente na pagianon asin parekason an biyahe kan mga komyuter asin motorista.
