Mangunguna si Filipino pole vaulter na si EJ Obiena sa mga atletang Pilipino na lalahok sa World Athletics Indoor Championships na gaganapin sa Poland simula Marso 20.
Ayon kay Obiena, masusi niyang pinaghandaan ang naturang torneo matapos siyang hindi makasali noong nakaraang taon nang mabigong makapag-qualify.
Naniniwala ang atleta na may malaking tsansa siyang magtagumpay ngayong taon dahil sa mas maayos na paghahanda para sa kompetisyon.
Kamakailan lamang ay nagmula si Obiena sa panalo sa ISTAF Indoor meet sa Berlin kung saan nasungkit niya ang gintong medalya sa pole vault event.
Samantala, inanunsiyo ng Philippine Athletics Track and Field Association na makakasama ni Obiena sa torneo sina world number 12 pole vaulter John Cabang Tolentino na sasabak sa 60-meter hurdles.
Lalahok din sa 60-meter dash sina Jessica Laurance at Zion Corrales Nelson bilang bahagi ng delegasyon ng Pilipinas sa nasabing kampeonato.
