Padagos na nangengenot an Filipino pole vault star na si EJ Obiena makalihis makua an saiyang ikapitong gintong medalya ngunyan na season sa International Stabhochsprung Meeting sa Jockgrim, Germany.
Naitala ni Obiena an 5.83 meter high dahilan para makua an kampeonato, pirang aldaw lamang matapos man niyang manggana sa Halberstadter Hohenflug.
Nakalamang si Obiena kay Siefeldin Abdelsalam kan Qatar sa pamamaagi kan countback makalihis na pareho nindang naabot an 5.83 meter. Nakua man ni Ersu Sasma kan Turkey an bronze medal makalihis maitala an 5.77 meter high sa 12-man competition.
Makalihis na maselyohan an pagkagana , na testing pa ni Obiena na lampasan an 5.93 meter ngani makua an saiyang season-best, alagad dae niya ini naluksuhan.
Aminado ang Filipino Olympian na dae naging madali an kompetisyon huli sa pirang naging problema sa warm-up alagad maugma pa man giraray siya sa naging resulta kan sainyang laban.
