Nagtrayumpo an Filipino American Olympian na si Emma Malabuyo sa US National Collegiate Athletic Association (NCAA) season kun saen nagpakitang gilas ini para sa University of California, Los Angeles (UCLA) Bruins.
Pigkundusir an nasambitan ng sports events sa Big Ten Conference women’s gymnastics showdown kontra sa Michigan State Spartans asin tinanghal ining kampeon sa balance beam na may kahanga-hangang meet-winning average score na 9.925.
An performance ni Malabuyo sa beam an dae matatawaran. Sa huring rotation floor nakakua ini nin 9.95 na nag-tala sa trayumpo kan UCLA sa meet. Kaiba ni Malabuyo sa kumpetisyon sinda Olympic gold medalist Jordan Chiles asin teammate Chae Campbell na parehong nakakua nin perfect 10.0.
Mientrastanto, sa post kan B1G Gymnastics mahihiling sa video an flawless routine ni Malabuyo sa beam, na nagpaabot man nin pag-omaw sa daragita asin igwa nin caption na, ”Practice makes perfect for (Emma Malabuyo) & (UCLA Gymnastics) on beam.”
Huli sa trayumpo na ini, nagsakat si Malabuyo sa ika-4 na ranggo sa 2025 NCAA balance beam rankings, na nagpapatibay sa saiyang status komo saro sa mga nangengenot na gymnasts sa nasyon.
Marurumdoman, si Malabuyo an kaenot-inuting Filipino American gymnastics team sa 2024 Paris Olympics na nagmarka man nin sarong makasaysayang milestone komo enot na kumatawan sa Pilipinas sa women’s artistic gymnastics sa laog nin 60 taon.
