NAGA CITY- Sa karsel an bagsak kan sarong sextortionist makalihis madakop sa tahaw kan entrapment operation kan National Bureau of Investigation (NBI) sa sarong hotel sa Iriga City, Camarines Sur.
Binisto an suspek na si Acer Escobal, job order sa Department of Public Works and Highways (DPWH).
Sa entrevista kan Bombo Radyo Naga ki Agent Bong Intia kan NBI-Naga, sinaysay kaining naghagad nin tabang sa saindang opisina an tugang kan biktima na suboot biktima kan pananakot asin panghuhuma ni Escobal.
Sigon ki Intia, tolong taong magka-ilusyon an suspek asin an 20-anyos na biktima kun sain sa social media sana an mga ini nagkabisto.
Alagad kan mga nakalihis na aldaw, mawot na man suboot na makipagsuhayan kan biktima ki Escobal alagad dai suboot uyon digdi an suspek kun kaya nagpadara ini sa pamilya kan biktima nin mga ladawan mantang nagtatalik sinda.
Naghuma man suboot an suspek na iwawarak sa social media an nasambitan ng mga ladawan kun makikipagsuhayan pa saiya an biktima.
Katakod kaini, tulos man suboot na nagsagibo nin entrapment operation an NBI sa tabang kan Iriga City PNP kun sain nadakop ini sa laog kan sarong hotel sa nasambitan ng ciudad.
Sa ngunian, nasa kustudiya na kan mga otoridad an suspek mantang pinepreparar na man an kasong pagbalgar sa RA 9262 o an Anti-Violence Against Women and their Children Act laban digdi.
