Piglunsar kan Israeli military an enot na ground offensive sa Gaza puon kan mabalgar o maraot an ceasefire deal sa tahaw kan Israel asin militanteng Hamas.
Digde, bahagyang nabawi o nakubkob kan Israel an sarong key area sa Gaza.
Nagpuon an nasambitan ng operasyon sarong aldaw makalihis liwat na ipadagos kan Israel an pambobomba sa Gaza.
Pig-akusaran kaya kan Israel an Hamas kan pauro-utrong pagsayuma sa pagpapalibre sa mga bihag asin pagtutol sa mga tangro kan mediators.
Sa kampo man kan Hamas, pig-akusaran kaini si Prime Minister Benjamin Netanyahu kan pagpapahigot pa kan giyera asin pagbubugtak sa mga bihag sa peligro nin mayong siertong kapaladan.
Enot digde, kan nakalihis na Miyerkules, pigkompirmar kan Israeli Defense Forces na pupuonan kan saindang tropa an targeted ground activities sa central asin southern Gaza strip tanganing mapalawig pa an security zone asin maka-kriar nin partial buffer sa tahaw kan northern asin southern gaza.
Komo parte kan saindang ground offensive, pinahewas pa kan mga tropa kan Israel an saindang kontrol sa sentro kan Netzarim Corridor.
Basado sa datos kan Gaza Health Ministry puon kan magsiklab an giyera hasta sa presente, nagpakol na sa haros 50,000 Palestino an binawian nin buhay na kadaklan, mga kababaihan asin mga aki.
