Nagtutubod si Chief Presidential Legal Counsel Juan Ponce Enrile na sarong political pressure an peace rally kan Iglesia Ni Cristo (INC) na pig atendiran kan nasa 1.8 milyong katawo kan nakalihis na Enero 13, dawa na ngani marahay an obheto kaini.
Sa sarong statement, pigsaysay kan dating Senador na para sa saiya saro ining political pressure tangani na pugulan an suhay asin independent na executive branch na pinamayuhan ni Presidente Ferdinand Marcos Jr. na magibo an saiyang constitutional duties.
Malinawag soboot ini sa mga patara-tara na pigbutasan sa rally. Pighurot man ni Enrile na an Presidente komo pigmirar na chief executive kan nasyon an may kapangyarihan asin obligasyon na makikoordinar sa duwa pang sangay kan gobyerno tanganing maua asin mamantinir an pagkasaro para sa marahay na operasyon kan gobyerno.
Dawa na, nilinaw kan dating Senate President na dae ini kontra sa INC asin man nagpaliwanag man sa saiyang naenot na post dapit sa peace rally na ikinaanggot kan kadaklan partikular na kan mga miyembro kan INC.
Para sa saiya, an sisayman sa nasyon, mapa relihiyoso man o dae, an may karapatan tangani matuninong magtipon asin magpetisyon sa gobyerno para sa pagsimbag sa mga agrangay. Ini man soboot an hurinng pagkakataon na mataram si Enrile sa nasambitan ng isyu alagad andam ining atubangon an sisay man sa anumang forum tangani idiskutir asin pagdebatehan ini.
Naenot na man na nanindugan an INC na dae political an saindang pigkundisir na peace rally tangani suportaran an pagtutol ni PBBM para sa pigbusol na impeachment ki VP Sara Duterte.
Naenot na sinabi ni Presidente Marcos na dae ini magbebenepisyo sa mga Pilipino asin kansuarin sana pighayag man kan Presidente na dae napapanahon an impeachment.
