Kampante an Department of Trade and Industry na padikit-dikit nang namamatean sa dakulang parte kan nasyon an epekto kan mas hababang taripa nin bagas asin iba pang mga agricultural product.
Basado sa pag-iikot kan DTI sa mga merkado sa National Capital Region, igwa soboot mga bagasan na nagpapabakal nin hasta P45.00 kada kilo.
Pigsaysay ni DTI Asec. Agaton Uvero na an pagbaba sa presyo kan bagas na poco mas o menos duwang bulan puon kan nagin epektibo an Executive Order 62 ni PBBM.
Nahihiling kan DTI na an pagbaba nin taripa kan mga imported na bagas an direktang naka-apektar sa lokal na presyuhan kan bagas.
Nagin epektibo an nasambitan ng EO sa enot na semana kan Hulyo, 2024.Sa ibong kaini, enot ng pigsaysay kan Department of Agriculture (DA) na posibleng sa Enero 2025 tanganing mamatean an darakulang epekto kan EO 62.
Sigun ki DA Sec. Francisco Tiu Laurel Jr, posibleng maapektaran liwat kan holiday season an presyuhan kan bagas sa ibong nin epekto kan EO 62.
