NAGA CITY – Nagbagsak asin nagliyab an sarong sadit na eroplano na kakalupad pa sana sa Kathmandu, Nepal. Sa 19 na ini, sulamenteng an pilito kaini an himala nakasalbar.
An nasambitan ng eroplano an patagilid an lupad hasta sa magbagsak ini asin magliyan. Kakalupad pa sana kan eroplano kan Saurya Airlines sa Tribhuvan International Airport, kan mangyari an trahediya.
Sigun sa mga otoridad, pasiring kuta an eroplano na Borbardier CRJ 200 sa bagong bukas na Pokhara airport. Lunad kaini an duwang piloto asin 17 technicians, para sa regular maintenance.
Pigdara man sa ospital an pilotong nakasalbar tanganing bulong an sinapong lugad. Tulos man na nagresponde an mga bumbero tanganing puhoon an kalayo.
Sa mga ladawan pigluwas kan mga otoridad, mahihiling an matinding danyos kan eroplano na nagkawasak-wasak asin igwa nin mga parte na labing nasulo.
Dae pa pighayag kan mga otoridad kun an an posibleng kawsa kun tan nagbagsak an eroplano. Sigun sa sarong opisyal kan Saurya Airlines, 50-seater an nagbagsak na eroplano. Naglalaom man an mga kaparientes kan mga binawian nin buhay na lunad kan eroplano na matatawan nin linaw kun tano nangyari an trahediya, asin paninimbagon kun isay man an igwa nin pagkukulang.
Pigkokonsider na saro an Nepal sa mga lugar na pinakadelikado sa air travel. Napapalibotan kaya ini nin mga kahoy na kawsa tanganing marekas na magbago an direksyon asin kusog kan duros na nakakaapektar sa lupad kan eroplano.
Sa repot, sinabing gikan sa 2000, haros 350 tao an nagadan huli sa plane o helicopter crashes sa nasambitan ng Himalayan country.
Kan 1992, nagadan an nasa 167 na lunad kan Pakistan International Airlines Airbus kan magbgsak inisa gilid kan bundok mantang pasiring sa Kathmandu.
Kan Enero 2023 man, binawian man an nasa 72 katao ka magbagsak an Yeti airlines sa Pokhara huli soboot sa pagkakasala kan mga piloto na gadanon an power kan eroplano.
