Pig-angat ni Senador Jinggoy Estrada na pareho sindang magsairarom ni dating Bulacan 1st district assistant engineer Brice Hernandez sa lie detector test makalihis kaining idawit an senador na imbwelto sa soboot korapsyon sa flood control projects.
An pag-angat na ini ni Estrada an makalihis ibuyagyag ni Hernandez sa pagdangog sa Kamara na nagbaba an senador kan P355 million ngunyan na 2025 sa nagkapirang proyekto sa probinsiya kan Bulacan.
Pigpahimutikan ni Estrada na nagreseber ini nin kickback gikan sa mga flood control projects.
Pigtawan duon pa kaini na madali soboot an magtaram asin preparado sindang patunayan na dae nagsasabi ni tototo si Hernandez orog na sa mga piggagapo na akusasyon kontra sa saiya.
Sa pagdangog kan Blue Ribbon Committee kasuudma, pighapot ni Estrada an kontratistang si Curlee Discaya kun sa dakol kan mga kongresistang nadawit sa isyu kan mga ghost projects, igwang imbwelto na senador nagsimbag man si Discaya na mayo.
Nakaguno pa nin atensyon an nagin simbag ni Senator Rodante Marcoleta ki Estrada na, “safe ka na.”
