Aram baya nindo mga ka-Bombo, sarong estudyante gikan sa Glasgow School of Art sa Scotland an nakagibo nin pinakadakulang sock money sculpture sa bilog na kinaban gamit an haros 200 talampakan kan corduroy fabric.
Si Emilia Evans-Munton, 22-anyos, an nagpuon sa proyekto komo parte kan saiyang degree show. Dae kaini piglalaoman na ini an magigin rekord hasta sa itukdo kan saiyang ama na pwede ini na an pinakadakula sa kinaban.
Huli digde, nakipag-koordinar ini sa Guinness World Records.An higanteng sock money an igwang laba na 49 talampakan asin 6 pulgada asin pinalamanan kan 40 bale kan dayami.
Igwa ining darakulang butones na mata na gibo gikan sa recycled scaffolding wood, lambang saro an igwang lapad na 1.5 metro (5 talampakan).
Ipinahiling ini sa publiko sa Field Maneuvers Festival sa Norfolk, England, kun saen pig-enkaminar an mga bisita na makipag-koorinar sa higanteng kawatan.
Sigun ki Evans-Munton, obheto kan saiyang sining na ipamate sa mga gurang an pagigin sadit gikan sa hampang kan dakulang baga, tanganing liwat na mabuhay an saindang pagkaaki asin pagkahumaling sa mga kawatan.
Sa presente, hinali na an stuffing kan sock monkey asin ini an nakatago na sa attic kan saiyang lola.
