NAGA CITY- Sugatan ang isang estudyante matapos na mabangga ng isang ten wheeler wing van truck sa Barangay San Ignacio Ibaba, General Luna, Quezon.
Kinilala ang biktima na si Mariane Lorezca, 18-anyos, residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office, nabatid na patawid na sana sa kabilang kalsada ang biktima nang mabangga iyo ng truck na minamaneho naman ni Renerio Fortaleza.
Dahil dito, nagtamo ng mga sugat sa kaniyang katawan ang biktima na agad naman na dinala sa ospital para sa atensiyong medikal.
Sa ngayon, nasa kustodiya na ng mga awtoridad ang suspek para sa kaukulang disposisyon.
