Igwa nin nagkapirang sources an nagkumpirmar na nakahali na sa nasyon si dating Police Colonel asin PCSO General Manager Royina Garma.
Susog sa source, si Garma naghale sa Pilipinas kan Nobyembre 7, 2024 kaiba an saiyang aki pasiring sa Washington DC.
Tinutukdo ni Garma si dating Presidente Rodrigo Duterte na iyo an nasa likod kan mga extra judicial killings sa saiyang pig-iimplementar na drug war.
Si Garma pinaluwas na sa kustodiya kan House of Representantes makalihis na magtuga ini na maatendir sa hearing kan Committee kun ini imbitaran.
Sa huring hearing kan Komite, inako kaini na igwang reward system na pig-ooperar kan administrasyon ni Duterte kun nagagadan an mga drug suspects.
Pigbuyagyag man ni Garma na an anti-drug war kan administrasyon Duterte naka-pattern sa “Davao model.”
