NAGA CITY- Pigsaysay kan alkalde kan siyudad nin Naga na dakula an nagin epekto kan biyaheng Naga Airport pasiring sa Clark Pampanga.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na kamawotan ninda na i-reconsider kan magkakanigong opisina na nagkakapot kan usapin an saindang desisyon orog na ta dakulang pasakit para sa mga biyahero an siring na set up.
Sigun pa ki Robredo, naiintindihan man soboot kaini na kaipuhan na magsairarom sa transition alagad kaipuhan na mas halawig an tinaong oras sa mga palupadan partikular sa mga pasahero tanganing makapreparar.
Dugang pa kan opisyal, mas marhay pa man kun enkaso igwang flight na gikan sa clark asin NAIA tanganing dae na magdugang an problema kan mga biyahero.
Pigtawan duon pa ni Robredo na halawig an biyahe sa bus kaya kun hihilingon soboot an sitwasyon lugi na marhay an mga biyaher na apektado kan desisyon na ini.
Marurumduman, sigun sa DOTR asin CAAP an transition na ini obhetong i-de congest an NAIA huli sa labing mga pasahero uru-aldaw.
Sa ngunyan, naglalaom na sana an alkalde na magkakaigwa ini nin appointment sa DOTR tanganing ipaabot an petisyon dapit sa nasambitan ng kalakawan.
