Maogmang na pig-anunsyar kan Philippine National Police (PNP) na matrayumpo na napababa kan pulisya an focus crimes kan nakalihis na Enero kan presenteng taon na nagbaba nin haros 24.32%.
Sigun ki PNP Chief PGen. Jose Melencio Nartatez Jr., sa kabilogan kan Enero, nakapagrehistro nin 2,449 na mga krimen an pulisya na hamak na mas hababa sa nagin record sa parehong bulan kan taong-2025 na igwang 3,236.
Kaibahan sa mga krimen na pinakatinutukan ngunyam kan pulisya iyo an murder, homicide, physical injury, rape asin magin an carnapping.
Mientrastanto, an nagin pagbaba man kan krimen ngunyan na taon an piglalaoman na huli na man sa pinahigot na seguridad asin dakol kan naaresto dara kan mas pinakusog na kampaniya kan PNP sa kriminalidad asin pagmamantinir na man kan kasalbaduhan asin kaayusan sa mga komunidad.
