Agaw-pansin an video ni Sen. Ronald “Bato” Dela Rosa na kaiba an saiyang abogado na si Atty. Israelito Torreon sa sarong garu mall.
Kapansin-pansin an kaswal na pagbado kan senador na naka-shorts asin t-shirt sana, na harayo sa saiyang karaniwang pormal na sulot komo lehislador.
Dae pa tukoy kun saen asin nuarin kinuanan an nasambitan ng footage, na nakaguno nin manlaen-laeng reaksyon gikan sa publiko.
May nagpa-abot nin suporta, mantang may bumatikos man asin naghamon na lumantad an nasambitan Ng lehislador.
Si Atty. Torreon an legal counsel ni Dela Rosa katakod kan mga isyung may kinaraman sa soboot arrest warrant gikan sa International Criminal Court (ICC) ni Dela Rosa.
Kansuarin sana, naglataw an bareta na posibleng target ini kan ICC huli sa saiyang papel sa war on drugs kan administrasyong Duterte. Huli man digde, paramientras na dae nag aatendir si Dela Rosa sa mga sesyon kan Senado komo pag-iingat.
Sigun sa saiyang kampo, mayo pang pormal na warrant gikan sa ICC asin padagos an legal na pag-aadal sa isyu.
