Pigsaysay ni Vice President Sara Duterte na dae madulag an saiyang ama na si dating Presidente Rodrigo Duterte kun tutugutan an saiyang interim release o paramientras na paglaya.
Sa entrevista sa Kuwait, sinabi ni VP Sara na mawot kan saiyang ama na magtinir na sana sa Davao City enkaso tugutan kan korte.
Ini an pautro-utro na pigsaysay kan dating Presidente basado naman sa kasuarin sanang pagbisita sa ICC detention center sa The Hague, Netherlands.
Pigtawan duon pa kan Bise-Presidente na napatotoohan na ni dating Presidente Duterte na dae ini nananakot kan mga kritiko.
Haloy naman na pigpapabatikos ni dating Senador Antonio Trillanes si dating Presidente Duterte asin nasambit an pangaran kan mga testigo alagad mayo man nangyari sa sainda.
Sa irarom kaya kan Rome Statute, posibleng maghurot nin interim release an mga nakakulong sa ICC kun masisimbagan ninda an mga pigtalaan na kondisyon.
Saro na digde an kasiertuhan na dae uulangan o tatakuton an mga testigo.
Mientrastanto, pigpepreparar naman kan legal team kan dating Presidente an saro pang mosyon na dae pa ninda pigsusumiter sa korte.
Sa Setyembre 23, isasagibo na an pagdangog sa kumpirmasyon kan charges kontra ki dating Presidente Rodrigo Duterte sa International Criminal Court (ICC).
