Pigpatawan kan China nin sanctions si dating Sen. Francis Tolentino huli kan mga nagin pahayag kaini manungod sa China.
Magigirumduman na nagin parte kan campaign advocacy ni Tolentino an mahigot na pagkontra sa madadahas na aksyon kan dakulang nasyon kontra sa satuyang mga kababayan sa West Philippine Sea.
Ini man an nagbusol nin inapod na Tolentino Law o an Maritime Zones Act asin Archipelagic Sea Lanes Act komo proteksyon sa satuyang teriyoryo.
Sa pirang pagkakataon, nasambitan kan dating Senate majority floor leader an magagabat na remarks kontra sa China.
Sigun man sa Ministry of Foreign Affairs kan China, pagbabawalan na si Tolentino na maglaog sa China, Hong Kong, asin Macao.
Dae pa man nagluluwas nin bagong pahayag manungod digdi an kampo ni dating Sen. Tolentino.
