Aram baya nindo mga ka-bombo, labi sarong bulan ngunyan, an Gaîté Lyrique Theater sa Paris, France, an sinakop kan sarong grupo na mga mayong istaran na migrante ngunyan na tag-lipot.
An okupasyon kan Gaîté Lyrique an nagpuon kan nakalihis na Disyembre 10 kan an kultural na lugar an nag-host kan sarong libreng conference na igwang titulong “Reinventing the Welcome for Refugees in France”.
Alagad, an 250 migrants African na nagpartisipar sa nasambitan ng event an nagsayuma na maghali makalihis ini, asin kalaunan an pig-ibahan pa kan labi 50 pang mga migrante na mayong ibang madudumanan sa malipot na panahon sa Paris.
Labi sarong bulan na an nakakalihis puon kan masakop an Gaîté Lyrique, asin pig-ako kan management na napiritan ining kanselaron an gabos na mga event hasta Enero 24 na nagbabanta na malugi ini, huli ta naglalaom an institusyon sa nasambitan ng mga pagtatanghla para sa 70% na kita kaini, siring man an iba pang 30% an nagpupuon sa estado komo mga subsidyo.
