Aram baya nindo nga ka-bombo, napuli sa kilabot an matuninong na bangging roadtrip kan sarong magtiyuhon sa Gapan bypass road kan igwang biglang nagsulpot sa tahaw kan tinampo sa garo babaeng nakaputi sa tahaw kan agihan asin bigla man soboot nawara.
Huli ta haros sarong taon pa sanang kabubukas kan Gapan bypass road, sa lugar kaini naisipan na mag-agi dakong 7:00 p.m.
Asin an matuninong kaining biyahe, biglang nabulabog na igwang kakaibang kilabot kan igwang nagsulpot na pigura sa tahaw kan agihan na garo babaeng nakaputing sulot, asin halaba an buhok.
Sa kua kan dashcam, pigsaysay ni Jay Mar na garo nakahiling pa sa saiya an babae kan saindang likayan asin maagihan.
Sigun ki Jay Mar, marhay nasana na nailiko tulos kaini an lunadan kaya dae nahagip an garo babae na bigla na man nawara.
Dugang pa ni Jay May, medyo nakakagirabo ini asin dae soboot aram kun tawo o anong klase an nahiling.
Kaya an pinost kaini na kun sisay an babae, kun tawo man o maligno, tano soboot yaon sa tahaw kan agihan asin madiklom na lugar.
Dae na man ini nagbaba nin lunadan huli sa hadit ma baka modus sana asin baka igwang ibang kaibahan ini kun tao man an biglang nagsulpot sa tahaw kan tinampo.
Igwa man nagsabi na taga-barangay na igwa talagang babae na pagala-gala sa tinampo kan bangging mangyari an kababalaghan ki Jay Mar.
Alagad para ki Jay Mar, an importante mayong nakulugan kan bangging ito.
Mas nahahadit pa soboot ini kun totoong tawo an nagpahilingsa tahaw kan tinampo huli ta pwedeng madisgrasya ini.
Kan ipasuri man sa video expert na s JC Lamsen an nakuanan sa dashcam, nagtutubod ini na tawo asin bakong elemento o kaluluwa an nahiling ni Jay Mar.
