Pigpadagos pa man kan beteranong singer na si Gary Valenciano an saiyang konsyerto sa Araneta Coliseum maski ini an may pigmamate.
Sinaysay kan agom kaini na si Angeli Pangilinan, na bahagyang nauktaba an pagpupuon kan konsiyerto kaining “Pure Energy: One More Time” kan Biyernes nin pagkabanggi.
Dugang pa kaini na igwang nakakan an singer na nagkawsa kan saiyang pagsusuka nin pirang beses sa laog nin duwang oras.
Pigpadagos pa man an konsiyerto mantang igwa nin naka-standby na doctor sa likod kan stage.
Pigpirit ni Gary V an konsiyerto kun saen nakakanta sana ini nin anom na sonata.
Dae na kaini tinapos an konsyerto asin dinara na tulos ini sa ospital.
Marurumdoman 14-anyos pa sana an singer, pigbuyagyag kaini na igwa ining diabetes.
