Gilas Pilipinas, Tinambakan an Kazakhstan sa Asian Games sa score 109-78

Tinambakan kan Gilas Pilipinas an Kazakhstan sa score na 109-78, sa nagpapadagos na 20th Asian Games sa Aichi-Nagoya, Japan.

Huli sa kapangganahan na ini, igwa na ngunyan an Gilas Pilipinas nin sarong kapangganahan asin sarong kadaugan sa Group C.

Nakabawi an Gilas sa saindang kadaugan kontra sa Bahrain kan nakaaging Biyernes.

Nanginot sa kapangganahan kan Gilas si Jerrick Ahanmisi na may 22 na puntos, mantang nagrehistro man nin 20 na puntos si Robert Bollick.

Nagkaigwa man nin double figures an nagkapirang atleta siring nina Calvin Oftana na may 12 puntos, si Sedrick Barefield na may 11 puntos, asin si Zavier Lucero na nakapagtala nin 10 puntos.

Masunod na makakahampang kan Gilas an China na sagkod ngunyan mayo pa nin kadaugan.