Aminado an Department of Agriculture (DA) na nahahadit sinda sa posibleng magin epekto kan makukusog na bagyo asin La Niña sa produksyon kan pagkakan sa nasyon.
Katakod kaini, sigun ki DA Secretay Tiu Laurel kan nakalihis na El Nino, pa sana kan magbaba talaga an rice production sa enot na kabangang taon huli sa labing init.
Igwa man kwarta an gobierno tanganing magtanom asin piglalaoman kaini na mababawi an mga nawara sa enot na kabangang taon, basta soboot dae sana magtama an makukusog na bagyo an nasyon.
Katakod kaini, magpapautob man nin emergency procurement an ahensya para sa mga backhoe asin bulldozers na ipapakuriyat sa mga binabahang lugar.
Ini an tanganing mabawasan soboot an epekto kan mga pagbaha sa huring yugto kan taon.
Apwera digde, pinapakusog man kan DA an insurance sa mga omahan tanganing enkaso tamaan nin makusog na bagyo an tanuman, matawan nin tolos na kwarta an mga paraomang nagparehistro kan saindang mga pananom asin igwang magamit sa liwat na pagtatanom.
