Inihayag kan Palasyo Malacañang na bukas an gobyerno sa paggamit kan United Nations Convention Against Corruption (UNCAC) tanganing makatabang sa pagtunton asin pag-arestar sa nagbutas na si dating Ako-Bicol Party-list Representative Elizaldy Co.
Ini an apwera pa sa paghagad nin Red Notice gikan sa International Criminal Police Organization (Interpol).
Sigun ki Palace Press Officer Claire Castro, an UNCAC an igwang mekanismo para sa international cooperation asin mutual legal assistance, alagad nilinaw na mayo pang pormal na koordinasyon an Department of Justice katakod kaini.
Pigpasa na soboot kan DILG an nasambitan ng ulayan sa Commission on Transnational Crime, asin sigun ki Interior Secretary Jonvic Remulla, kaibahan ini sa mga opsyong pinag-aadalan.
Marurumduman, kan nakalihis na Nobyembre 21, pig-anunsyar ni Presidente Ferdinand Marcos Jr., na igwang warrant of arrest kontra ki Co, asin 15 iba pa katakod kan P289.5-milyong substandard flood control project sa Oriental Mindoro.
Nakaladkad man an saiyang pangaran sa soboot P35-bilyong budget insertions sa mga flood control project sa Bulacan.
Sa ngunyan, pinagtutubodang nasa Portugal si Co asin pigreport na igwang kapot na Portuguese passport asin “golden visa,” na posibleng rason kaya malaya ining nakakahiro sa Europa.
